LÆRARSTUDENT: Solveig Økland (21) er kjempefornøgd med lærarstudiet. Ho opplever at ho utgjer ein forskjell i jobben som lærar.
David Kvamme Høvik
Søkertala går ned, men Solveig (21) vil bli lærar
For Solveig Økland er lærar draumeyrket. Ho vil fortelje ungdommar at dei er verdifulle.
For andre år på rad har færre studentar søkt seg inn på lærarutdanninga. På to år har det blitt 2000 færre søkarar til lærarstudiet. Torsdag i førre veke var fristen for å endre prioriteringa i samordna opptak.
Lærarstudent Solveig Økland (21) trur det kan vere mange grunnar til at søkertala går ned. Ho har møtt på fleire som vert overraska når ho seier at ho skal bli lærar.
– Dei seier ting som «at du orker» og «at du gjer det», men eg skjønar det ikkje. Eg føler eg har valt det beste yrket, seier Økland.
