SETESDAL: Lokalavisa i Setesdalen har skrive fleire artiklar om striden i det lokale kyrkjelivet. Biletet syner Valle kyrkje.
Wikimedia Commons
Skuldar lokalavis for etikk-brot i omtale av kyrkjestrid
«Ubalansert og slurvete», seier kyrkjeleg arbeidsgjevarorganisasjon. Redaktør slår tilbake mot dei fleste av klagemåla.
Det er ikkje ofte pressa sitt klageorgan får ei delikat kyrkjesak på sitt bord. Men det skjer når Pressens faglege utval (PFU) trer saman neste veke.
Avisa Setesdølen er klaga inn for dårleg arbeid med ein lokal kyrkjestrid i Valle i Setesdal. Innklagar er KA, arbeidsgjevarorganisasjonen for kyrkjelege verksemder.
Lokale kyrkjelege styremakter har gitt samtykke til klagen, som er ført i pennen av kommunikasjonsdirektør Trygve W. Jordheim.
