VERSBERØMTE: Vestlandsfjordane er verdsberømte for naturen over vatnet. Boka «Fjord» skildrar det mangfaldige livet som skjuler seg under vassflata, til dels i stummande mørke. Foto: Hallvard Østrem
Hallvard Østrem
Skjønnheita i fjorddjupet
Fjordlandskapa våre er verdsberømte. Mindre kjent er det rike alge- og dyrelivet som finst i dei mørke djupa.
Rundt 3.000 ulike artar av fisk og botnlevande dyr og algar er registrerte i sjøen langs norskekysten. I tillegg finst det hundrevis av alge- og dyreartar – frå dei minste planktonorganismane til dei største sjøpattedyra.
Kjenner du til dømes Periphyllaen, svømmepølsa eller havmusa? Alle held dei til i fjordane på Vestlandet. Den vesle svømmepølsa har vore videofilma heilt ned til dei største djupa i Sognefjorden – 1.300 meter – og aldri høgare opp enn 300 meter. På desse djupa når aldri ei lysstråle ned.
Det fortel forfattar og fotograf Per Robert Flood i praktboka «Fjord. Livet i dypets skjulte univers», der han tar oss med på ei reise i det mangfaldige undersjøiske universet i fjordane våre.
