Til kjernen: – Kampen mot korrupsjon går heilt til kjernen av kyrkjas oppdrag. Det handlar om å adressere menneskas falne natur, sa Agnes Aboum, kenyansk kyrkjelaiar og styreleiar i Kirkenes Verdensråd.
NMS/Misjonstidende
Sjølv kyrkjeleiarar kan bli freista
– Ser du kor stor bil biskopen køyrer rundt i?
Kommentaren fall ein stad i Midtausten. På grunn av flyktningkrisa vart enorme summar til naudhjelp kanalisert gjennom lokale kyrkjer. Dei fleste bar dette ansvaret med integritet og truverde.
Men så var det nokre få leiarar som fekk mistankar retta mot seg. Folk kviskra om at ein del pengar som skulle gått til menneske i naud, i staden kanskje hamna hos velfødde kyrkjeleiarar.
For sjølv kyrkjeleiarar kan bli freista, når store summar kjem deira veg og rutinane for transparens og dokumentasjon ikkje er gode nok.
