Sjeldan i kyrkja – nemner oftare Gud
Donald Trump har vore sjeldan å sjå i kyrkja etter at han vart president, men nemner Gud oftare enn han gjorde som forretningsmann og tv-kjendis.
Det vekte oppsikt at Trump i sigerstalen sin etter valet i november ikkje avslutta med å be Gud velsigne USA. Dette er skikk og bruk blant amerikanske presidentar. Seinare har han likevel teke igjen så grundig at det er blitt spurt om Trump har fått ei fornya tru i Det kvite hus.
Presidenten har bede Gud velsigne heile verda då han forklarte kvifor USA gjekk til åtak i Syria, bede Gud velsigne den nyutnemnde høgsterettsdommaren Neil Gorsuch og bede om Guds hjelp i kampen mot narkotika, påpeikar nettstaden politico.com.
Større behov
