PILEGRIMAR: Dina Øien, Victoria Lid, Elisabet Osdal og Sunniva Aadland Høen er på veg mot Bergen med sunnivaskrinet. Foto: Anine Vieth Mildestvedt
Siglar i kjølvatnet til St. Sunniva: – Ho var modig og sterk
Fire jenter er på oppdagingsferd langs kysten. Undervegs vert dei kjende med forskjellige kristne trustradisjonar og historia om Noregs einaste kvinnelege helgen.
Dei fire ungdomspilegrimane følgjer Sunniva-skrinet frå klosterøya Selja i Nordfjord til Bergen. Reisa starta sist fredag og skal vare til komande laurdag.
På vegen synest dei har opplevd mykje spennande.
– Det mest spesielle var kanskje velkomsten vi fekk på Askvoll, med prest, ordførar, konfirmantar og kor. Til saman var det mange som kom for å ta bilete og hjelpe til med å bere Sunniva-skrinet, fortel Victoria Lid frå Os. Ho er ortodoks kristen.
