VAR GISSEL PÅ GAZA: Elkana Bohbot fortalde om åra i fangenskap 40 meter under bakken i tunnellane til Hamas.
Alice Tegle
Samla over 400 israelvener 1. Mai: – Den nye, store støtte-Israel-dagen
Medan mange bruker arbeidardagen til å markera støtte til palestinarane, sat 430 israelvener i Stavanger og lytta til familiefaren, som var gissel på Gaza, i 738 dagar.
– Det er mogleg å ta alt frå ein person. Mat. Drikke. Medisin. Hygiene. Klede. Sola. Men dei kan aldri ta trua på Skaparen. Den hadde eg alltid med meg, seier Elkana Bohbot til israelvenene som er samla på Den internasjonale kristne ambassaden i Jerusalem (IKAJ) sitt folkemøte i IMI Forum 1. mai.
Den 38 år gamle familiefaren er i Noreg for å dela historia frå to år i Hamas-fangenskap. Han var ein av arrangørane av Nova-festivalen, som blei råka av terroråtaket 7. oktober 2023.
– Me må aldri, aldri gløyma det som skjedde, seier han til publikum.
