SKULEGUDSTENESTER: Ole Jakob Løland er KRLE-professor ved Universitetet i Sørøst-Norge og ordinert prest. Han meiner det finst eit alternativ til avvikling av skulegudstenester.
Hege Lundby Mathisen / Universitetet i Sørøst-Norge
Professor vil utvida skulegudstenestene: – Feil at eitt trussamfunn blir favorisert
I praksis inneber forslaget til KRLE-professor Ole Jakob Løland at lærarar følgjer muslimske elevar til moskéen, hinduar til tempelet og jødar til synagogen.
Ole Jakob Løland er professor i KRLE ved Universitetet i Sørøst-Norge og ordinert prest.
I eit intervju med forskning.no seier han at dagens ordning for skulegudstenester er «ekskluderande».
– Når skular berre tilbyr gudstenester i den kristne kyrkja, blir éin religion og eitt trussamfunn favorisert, seier han til Dagen.
