KLAR TALE: Pave Leo XIV oppmodar prestar om å styra unna kunstig intelligens, samstundes som å innta ei kritisk tilnærming til internett.
Domenico Stinellis / AP / NTB
Paven med klar melding til prestar: – Bruk hjernen
Paven åtvarar prestar mot å bruka kunstig intelligens når dei førebur preiker. Han ber dei òg vera kritiske i møte med internett og smarttelefonar.
Då pave Leo XIV møtte prestane i Roma-bispedømet den 19. februar, kom han med sterke åtvaringar knytte til moderne teknologi, ifølgje avisa Vatican News.
Nettstaden Kode24 melder om det same.
Paven bad prestane om å vera årvakne i møte med internett generelt, men aller mest åtvara han mot freistinga prestar kan ha til å førebu preiker ved hjelp av kunstig intelligens (KI).
