TOLKING: Eg vart nokså overraska over tolkinga av ulike tekstar og det endtidssynet Thu (biletet) hevdar, skriv Johannes Kleppa.
Dagen arkiv
Overraskande om endetida
Same kva syn ein måtte ha på endetida, er dette ei engasjerande bok og her er mykje til lærdom, sjølv om her også er mykje som eg er usamd i.
Erling Thu har skrive ei grundig og interessant bok om endetida, Jesu atterkome og den kristne vona. Dessutan er ho skriva på godt nynorsk, og det er ikkje så vanleg for denne typen bøker. Thu gir ei brei innføring i ulike endetidssyn, samstundes som han er tydeleg på kva han sjølv står for. Stort sett er orienteringa om ulike syn grei, men nokre gonger vert det litt tendensiøst når det står opp mot Thu sitt eige syn.
Tek oppgjer
Eg vart nokså overraska over tolkinga av ulike tekstar og det endtidssynet Thu hevdar. Så langt eg kan sjå, er dette eit nokså uvanleg syn, i alle fall i norsk samanheng. Det er nokså forskjellig frå det som er vanleg både i frikyrkjelege samanhengar, på bedehuset og blant teologar. Han tek til dels oppgjer med det han har vokse opp med både på bedehuset og i pinserørsla, særleg dispensasjonalismen – men også med premillianismen generelt.
