KRITISERES: Dansebandet Ole Ivars, her representert ved Bjørn Elvestad (f.v.), Tore Halvorsen, Arild Eng og Ole Ødegård. Foto: Erlend Aas / Scanpix
Ole Ivars får likestillingskritikk
Dansebandet Ole Ivars får kritikk frå Likestillingsombodet fordi dei heller vil ha ein mannleg enn ein kvinneleg sjåfør/hjelpemann.
- Me er veldig glad i damer, men her er det snakk om å løfte 2,5 tonn med utstyr, seier Ole Ødegård, som starta bandet på Løten i 1964.
Bussjåføren/hjelpemannen skal i tillegg til å køyre bussen, ha ansvaret for bering av eit par tonn med utstyr i samband med kvar spelejobb.
Då Ødegård vart spurt om ikkje kvinner er like gode sjåførar som menn, var svaret:
- Visst er dei det! Eg har jobba som køyreskulelærar i 20 år, og kan skrive under på at damer er flinke bak rattet.
- Bandet vil berre spare kvinnene for å måtte leve like tett med dei både i bussen og i garderoben.
- Nei, dette handlar ikkje berre om at damer ikkje kan køyre buss, seier Ødegård.
