170 DØYPTE: Merlin Kraft frå BibleLad UK organiserte dåp for 170 personar på sørvestkysten av England sist helg.
Skjermdump frå Calvary Plymouth
Massedåp i England:
– Gud var der
170 personar lét seg døypa samtidig på ei strand sørvest i England, sist helg. Etterpå delte lokale kyrkjelydar ut gratis biblar og grillmat til alle deltakarane.
– Det me såg der nede var ekstraordinært. Det var fantastisk, seier initiativtakar Merlin Kraft til Premier Christian News, som melde saka først.
Det heile starta med at Kraft, som er mest kjent for å ha starta den kristne bibelkanalen BibleLadUK, delte ein video av ein dåp han hadde delteke i, tidlegare i år.
Responsen lét ikkje venta på seg.
