MARKERING: Sjølv om Spania på fleire område er prega av sekularisering, står dei årlege påskeprosesjonane svært sterkt i det katolske landet.
CRISTINA QUICLER
Marsjerer frå dag til dag i påska
Spanjolar går mann av huse for å delta i påskeprosesjonar. I fleire land vert høgtida markert på andre måtar som er framande for nordmenn.
I spanske byar er påskeprosesjonane eit sjølvsagt innslag i påskeveka.
– Det er som 17. mai fleire dagar på rad, seier Torun Rundhovde Mørenskog til Dagen.
Ho er avdelingsleiar for gjestehuset ved sjømannskyrkja i Costa del Sol. Medan vi har henne på tråden, er ei gruppe turistar frå sjømannskyrkja inne i Malaga for å sjå på ein prosesjon.
