– Eg toler ikkje slikt hat i min eigen by, seier Camilla Birgitta Vika Høgemark.
Camilla Birgitta Vika Høgemark
Malte over gatekunst:
– Minner om nazipropaganda
Gatekunstnaren Töddel malte tre jødiske menn som «dei tre vise aper» midt i Stavanger sentrum. Det vekte sterke reaksjonar.
Natt til 5. mai dukka dei opp. I ei trafikkert gate like ved togstasjonen, kunne forbipasserande sjå tre ortodokse jødar halde seg for auge, øyrer og munn. Akkurat som dei tre vise apane i det kjende motivet «speak no evil, hear no evil, see no evil».
Nokre dagar etter tok Stavanger-kvinna Camilla Birgitta Vika Høgemark penselen fatt, malte over ansikta og skreiv «stopp antisemittisme!» med blokkbokstavar.
– Eg toler ikkje slikt hat i min eigen by, forkledd som kunst, skreiv Stavanger-kvinna på Facebook, der ho også samanlikna motivet med jøde-karikaturane i 30-talets aviser.
