UROLEGE: Bernt Greger Olsen frå Bibelselskapet og Johannes Morken frå Stefanusalliansen er urolege for kristne og andre minoritetar i Syria.
Bibelselskapet / Sølve Depui Aksnes
Kristne leiarar om situasjonen i landet: - Regimet lovar vern, men leverer frykt
Kristne og andre minoritetar i Syria kjenner seg meir utrygge etter at det nye regimet tok makta. – Den einaste gruppa som ikkje er væpna, er dei kristne. Det er både deira veikskap og styrke, seier Bernt Greger Olsen i Bibelselskapet.
Situasjonen for kristne i Syria har vorte vanskelegare etter at Al Sharaa-regimet styrta Assad-regimet i desember.
I juni vart ein sjølvmordsaksjon retta mot ei kyrkje i Damaskus. Terroråtaket har forsterka frykta blant kristne, som frå før kjenner seg utsette i det nye Syria.
Både Stefanusalliansen og Bibelselskapet stadfestar dette.
