REDDE: Mange kristne i området rundt fabrikken vart skremde etter det som skjedde på laurdag.
HFO/Stefanusalliansen
Kristen pakistanar som vart jaga av mobb, døydde på sjukehus
Politiet fekk berga Nazir Masih før han vart drepen, men livet stod ikkje til å redde. – Trist og tragisk, seier norsk redaktør.
Dagen skreiv om saka før helga.
Nazir Masih skal uforvarande ha brent nokre sider frå ein koran saman med søppel som hadde blåst inn på gardsplassen rundt skofabrikken hans i Punjab-provinsen i Pakistan.
Det førte til at det samla seg ein mobb som til slutt talde 400 menneske rundt fabrikken og huset til familie, som låg på det same området.
