SØKT OM Å UTVIDA: KF-skulen i Strand kommune får kanskje utvida.
Foto: Google Street View
Kristen friskule vil utvida. Men kommunedirektøren vil bremsa
Levekårsutvalet i Strand kommune har vedteke å støtta KF-skulen sin søknad om å utvida frå 200 til 300 elevplassar – trass i sterk åtvaring frå kommunedirektøren.
Det melder Stavanger Aftenblad i ei oppfølgingssak om den kristne KF-skulen i Strand kommune utanfor Stavanger, som i år søkte til Utdanningsdirektoratet om utviding med 100 elevplassar.
Nyleg vart søknaden teken opp til vurdering i Levekårsutvalet, som handsamar saker knytte til omsorg, opplæring og levekår i kommunen.
I møtet gav KrF - med støtte frå Høgre, Frp og INP - grønt ljos for utviding. Arbeidarpartiet og Senterpartiet røysta imot.
