HEILDEKKJANDE: Kvinne ikledd nikab i Oslo sentrum.
NTB scanpix
KrF om nikab og burka: – Me må diskutera dette grundig i Noreg
Medan fleire europeiske land innfører nikab- og burka-forbod, ber stortingsrepresentant Hans Edvard Askjer (KrF) om ein grundig og prinsipiell debatt i Noreg.
– No går det ein vind over Europa med nikab-forbod. Me må ta oss bryet med å reflektera saman, og diskutera dette prinsipielt og grundig i Noreg, seier den nyvalde stortingsrepresentanten til Vårt Land.
Han har sendt eit skriftleg spørsmål til justis- og beredskapsminister Astri Aas-Hansen (Ap) om korleis ho vurderer eit forbod mot bruk av burka, nikab og andre heildekkjande plagg i det offentlege rom.
Sjølv om Askjer skildrar nikab som eit «marginalt problem» i Noreg, fryktar han likevel for konsekvensane dersom Noreg vert ståande på sidelinja, medan andre land vedtek forbod.
