Tore Hjalmar Sævik
Kjenner tomrom etter reist familie
Besteforeldra i den såkalla Naustdal-saka synest det framleis det er uverkeleg at etterkomarane i nabohuset skulle sjå seg nøydde til å flytte til Romania.
Forsommaren har gjort Redal lysande grøn og frodig frå fjøre til fjell. Den vesle bygda i Naustdal kommune har utsikt mot Svanøy, som vart eit dynamisk senter for venene til Hans Nielsen Hauge, og har sjølv haugiansk arv.
Eit år er gått sidan dei fem barneborna til Magny Rose og Audun Håland vart tilbakeførte etter ein avtale med kommunen. Då barnevernet henta borna utan forvarsel eit drygt halvår tidlegare, spreidde nyheita seg raskt internasjonalt og utløyste omfattande protestar.
– Det er heilt uverkeleg. Eg forstår det ikkje enno, seier Audun Håland om det familien har opplevd.
