EVANGELISERER: Jon Harald Flå og outreach-teamet frå Laget og Ungdom i Oppdrag.
Jon Harald Flå
Jon Harald (26) evangeliserer med Laget og UIO på Svalbard: – Veldig oppmuntrande
I dag er det ingen som driv kristent studentarbeid på Svalbard. Det vil Laget og Ungdom i Oppdrag gjera noko med.
– Me har bedd mykje om dette, seier student- og elevorganisasjonen Laget sin leiar i nord, Jon Harald Flå.
Han er akkurat ferdig med eit arrangement for filipinske studentar i Longyearbyen, der han forventa det skulle møte opp ti personar. Det kom 35.
– Det er veldig oppmuntrande, seier Flå om det som skjer lengst nord i Norge nå.
