FOLKEMØTE: Tidlegare president Donald Trump held framleis folkemøte. Dette er frå Perry i Georgia den siste laurdagen i september.
Ben Gray / AP / NTB
– Ingen har gjort meir for kristendommen enn eg
Donald Trump meiner Joe Biden har vore verre for kristne enn frykta. Samstundes viser undersøking at fleire amerikanarar kallar seg evangelikale etter Trump-epoken.
Sjølv om Trump forlet Det kvite hus i januar, har han ikkje slutta verken å halde folkemøte eller dukke opp i media.
– Det er ei stor ære. Dei likar det eg seier, sa Trump då han deltok i programmet Flashpoint på kristne Victory Channel i førre veke.
Der song han ut i kjende tonar med påstandar om valjuks og at USA er i ferd med å verte sosialistisk eller kommunistisk.
