Herman Frantzen
Hareide: – Eg ville gjort veldig mykje annleis i 2018
KrF-profilane Kjell Ingolf Ropstad og Knut Arild Hareide har lagt retningsvalet bak seg og planlegg no ein felles valkampturné som skal redde partiet.
KrF-leiar Kjell Ingolf Ropstad og hans forgjengar, Knut Arild Hareide, kjem saman inn på Kafé Elling i Akersgata i Oslo.
Dei er begge travle i den politiske innspurten før jul, men tek seg likevel tid til ein kaffikopp på veg til møta dei skal i.
– Huff, det er vel eigentleg ikkje lov å seie, men budsjettdebatten i Stortinget i går var vanvittig kjedeleg altså, seier Ropstad og gjespar i det han slenger seg ned i sofaen.
