Takka nei til globalt bispetreff: – Kan ikkje tillate det Herren forbyr

Biskopen frå Sør-Sudan var mellom fleire kyrkjeleiarar frå det globale Sør som uteblei frå Lambeth-konferansen som vart avslutta på måndag. Dette globale «toppmøtet» vert arrangert kvart tiande år.

Den anglikanske kyrkjefamilien har til saman rundt 85 millionar medlemer. Teologisk mangfald er ikkje noko nytt mellom anglikanarar, men dei siste to tiåra har dette vorte sett på spissen i synet på ekteskap og seksualitet.

– Vi har kutta banda til Den episkopale kyrkja i USA og andre greiner i Den anglikanske kommunionen som støttar homofili, seier biskop Mayom til Dagen.