SPONSING: Amedia og Sparebankstiftelsen DNB skal dele ut 25 millionar kroner. Dei ønskjer å gje til kristne fritidsaktivitetar, men då kan dei ikkje halde andakt.
Gorm Kallestad
Gir bort millionar - berre ikkje til religiøse
Amedia og Sparebankstiftelsen DNB delar ut store summar til frivillige tiltak. «Forkynnande» religiøse kan ikkje vente seg å få noko.
I løpet av våren 2020 skal mediekonsernet Amedia sine 73 lokalaviser dele ut 25 millionar kroner til allmennyttige tiltak som blir gjort av organisasjonar og foreiningar.
Sjølv om dei oppfordrar alle til å søke, er dei klare på at nokre frivillige aktørar er uaktuelle som mottakarar.
– Vi vil ikkje gje støtte til reine religiøse aktivitetar, men vi kan gje til aktørar med ein sosial profil, som til dømes Kirkens SOS og Frelsesarmeen. Møter med eit «menigheitspreg» vil vere diskvalifisert på lik linje med eit medlemsmøte i Unge Høgre, seier direktør for utgjevarspørsmål og samfunnskontakt, Stig Finslo, i Amedia.
