NY PROFIL: Jærtun lutherske friskole på Bryne held på sin gamle profil.
Odd Mehus
Friskule-styre har konkludert om omstridt dokument
«Jærtunprofilen», som fekk rektor Andreas Årikstad til å seie opp i protest, er no skrinlagt for godt.
– Slik situasjonen er på skulen no, ser ikkje styret det som føremålstenleg å vidareføre dokumentet «Jærtunprofilen», heiter det i Jærtun-styrets vedtak som Dagen har fått innsyn i.
Arbeidet er med dette avslutta og vil ikkje bli gjenopptatt, skriv dei.
– Vi ser dette som positivt. Det var dette vi ønska, seier ein anonym Jærtun-tilsett til Dagen og legg til at fleire håpar det vil få Andreas Årikstad tilbake i rektorstolen.
