OSLO: Alf Gunnar Eritsland ved Litteraturhuset i Oslo
Herman Frantzen
Frå klasserommet skulle Noreg kristnast på nytt
Ein boks med kjærleiksbrev mellom besteforeldra fekk Alf Gunnar Eritsland til å ta doktorgrad om kristne lærarskular. Litteraturhuset var sjølve høgborga.
Eit par steinkast frå Slottet ligg Litteraturhuset i Oslo. I dag er det ein av dei viktigaste møtestadene i landet for samtalar om kulturelle spørsmål. Mindre kjent er det at dette i si tid var reist som Oslo lærerskole – eigd av Indremisjonsselskapet.
– Det er den beste tomta i Oslo, seier Alf Gunnar Eritsland.
For hans del har huset også ei personleg side: Her tok han på 1970-talet for første gong plass bak kateteret for å undervise lærarstudentar. Det arbeidet heldt han fram med heilt til han vart pensjonist for eit par år sidan.
