MARKERING: Fire kvinner demonstrerte for legalisering av dødshjelp utanfor Houses of Parliament i London i slutten av april.
Kin Cheung / AP / NTB
Forslag om dødshjelp hadde ikkje livets rett
Ein omstendeleg prosess førte ikkje i mål. Motstandarar mot legalisering åtvarar mot å tenkje at kampen er over.
I juni i fjor fekk eit forslag om å legalisere dødshjelp i England og Wales fleirtal for andre gong i Underhuset. Dermed gjekk det vidare til Overhuset.
Forslaget ville gi menneske over 18 år, som var venta å døy innan seks månader, hjelp til å gjere slutt på livet med visse føresetnader.
For at forslaget skulle bli vedteken som lov, måtte Underhuset og Overhuset vere samde i ordlyden. Og det måtte skje før den pågåande sesjonen i parlamentet var over i slutten av april. Det skjedde ikkje.
