ÅTVARAR: Professor Ola Grytten meiner at ei rekke kontroversielle saker den siste tida vil gjere det vanskelegare for kristne friskular dersom dei raudgrøne overtek makta etter stortingsvalet i 2021.
Bjørn Olav Hammerstad
– Eit tidsspørsmål før kristne skular mister statsstøtta
Økonomiprofessor Ola Grytten spår at venstresida vil gjere framtida vanskelegare for kristne friskular.
– Eg trur at dei kristne skulane kjem til å miste statstøtta. Det er berre eit tidsspørsmål. Dei tolerante er ikkje tolerante nok til å gje dei statsstøtte. Dei er berre tolerante nok til å gje til dei som er einige med dei sjølve.
Det seier økonomiprofessor Ola Grytten ved Norges Handelshøyskole (NHH) i denne vekas utgåve av Dagen-podkasten Tore og Tarjei:
Grytten var invitert for å snakke om Sjøholt Folkehøgskule, som har skapt nasjonal mediestorm før den i det heile har opna. Grunnen var at NRK, Sunnmørsposten og Bygdebladet melde at skuleeigaren Indremisjonsforbundet sitt verdidokument hindra homofile, skilde eller personar med barn utanfor ekteskapet å jobbe som lærarar ved skulen.
