HEIMEMARKNAD: Redaktør Eirik Stave sel mest av Markanytt i Ørsta og Volda, men har også sendt aviser til andre stader i landet. Foto: Tore Hjalmar Sævik
Byline stor
Eirik (9) lager egen avis - og har gitt bort 26.000 kroner
For fjerde år på rad gir Eirik Stave (9) ut avisa Markanytt. Årets sal har skaffa over 26.000 kroner til eit hjelpeprosjekt for barn og utdanning i Thailand.
Det luktar graut og lapskaus, kaffi og kaker. Den livlege samtalen rundt småborda vert innimellom avbroten av loddtrekning, korsong og anna program frå scenen i Ørsta kulturhus. Det er laurdag, og kyrkjelyden til Den norske kyrkja i sunnmørsbygda har si årlege misjonsmesse. Som tilsvarande arrangement andre stader finst her visse rike og gjenkjennelege tradisjonar, men dei siste åra har også eit meir uvanleg innslag vorte fast.
Såg behov
Mellom borda tuslar Eirik Stave med ein pose. Oppi denne har han ein bunke med årets utgåve av Markanytt. Salet har pågått i fleire veker allereie, men høgdepunktet er under misjonsmessa. Inntektene frå avissalet vert nemleg slått saman med det som kjem inn frå matsal og utlodding denne dagen. Ideen om Markanytt fekk han heime.
