Evan Vucci, AP/NTB Scanpix
Dette har kristne Trump-vener oppnådd så langt
Ingen amerikansk president har prioritert relasjonar til evangeliske kristne leiarar så sterkt som Donald Trump. Kritikarar meiner kontakten kostar meir enn han smakar.
Seinast då presidenten kunngjorde ein nasjonal bønedag i samband med orkanen Harvey i starten av september, samla Trump ein krins av kristne leiarar som bad for han i Det ovale kontor.
– Far, vi takkar deg for at vi har ein president som trur på krafta i bøn, bad baptistpastor Robert Jeffress med handa si lagt på skuldra til Trump.
– Dette landet har vore bittert splitta i tiår etter tiår, og no har du gitt oss ei gåve, president Donald Trump, heldt Jeffress fram.
