PREDIKANTAR: Til Visjon Norge inviterer Jan Hanvold forkynnarar frå heile verda. Ifølgje pinseteologar er det einaste dei har til felles at dei er ukjende.
Skjermdump Visjon Norge / Dagen Arkiv
Dette er Visjon Norge-sjefens internasjonale nettverk
Dei siste fem åra har Jan Hanvold invitert sjølverklærte apostlar, profetar og ein mega-pastor til kanalen sin. Men kven er desse eigentleg?
Ei rekkje internasjonale forkynnarar har gjesta den kristne TV-kanalen Visjon Norge dei siste åra.
Dei er svært ulike, men ifølgje ekspertar har dei alle ein ting til felles.
– Det er ikkje sentrale internasjonale forkynnarar som besøker kanalen, men mindre kjende predikantar. Dei er heller ikkje kopla opp mot sentrale kjende pinsesamfunn eller karismatiske miljø, seier førsteamanuensis Stian Eriksen ved VID vitenskapelige høgskole som er ekspert på pentakostal teologi.
