DYRESYMBOLIKK: Haakon Lie, forfattar av barnebibelen Løven av Juda, bruker dyresymbolikk for å framheva personlegdomen til dei bibelske karakterane.
Anne Gustavsen
Derfor blir disippelen Thomas eit esel i Haakon sin barnebibel
Haakon Lie, forfattaren bak barnebibeltrilogien Løven av Juda, meiner eselet speglar sider ved Thomas som ofte kan forsvinna bak merkelappen «tvilaren».
I Matteus 21, 1-11, som er evangelieteksten for komande sundag, kan ein lesa om Jesu inntog i Jerusalem. I teksten ber Jesus disiplane om å henta eit esel og ein eselfole som står bundne i den nærliggjande landsbyen.
Kvifor reid ikkje Jesus inn til Jerusalem på eit stort og mektig dyr? Kva for nokre kvalitetar er det som kjenneteiknar nettopp eselet?
– Eselet er eit symbol på fred. Kongar som hadde erobra nye landområde, kom triumferande inn i byen dei hadde kapra. Då reid dei på eit mektig dyr, ofte hest eller elefant. Det symboliserte siger i krig, seier Haakon Lie.
