SENTERUNGDOM: Magnus Nedrebø leiar Senterungdommen i Rogaland.
Alice Tegle
Den tidlegare Tryggheim-eleven driv valkamp for Senterpartiet
– Me treng kristne i alle politiske parti, meiner leiar for Senterungdommen i Rogaland, Magnus Nedrebø (25).
Medan mange av 2019-veljarane har snudd ryggen til Senterpartiet, står leiar i Senterungdommen Rogaland, Magnus Nedrebø, last og brast med det gamle Bondepartiet.
Det kjenner han fleire kristne som gjer.
– I alle fall her i Rogaland. Eg har fleire kristne med i styret mitt, og i lokallaga er det og mange kristne. Det er viktig å ha kristne folk overalt i politikken, og spesielt i sentrum, seier den tidlegare Tryggheim-eleven.
