EKSPERT: Theo Boer er professor i helseetikk og medlem av det nederlandske helserådet.
Bjørn Olav Hammerstad
Den kristne professoren var usikker på kva han meinte om dødshjelp. No er han ikkje lenger i tvil
Ein av Europas fremste ekspertar på dødshjelp åtvarer Noreg.
– Om Noreg no skal legalisere ein form for eutanasi eller assistert sjølvmord; sjå på Holland og sjå korleis Noreg vil sjå ut om 20 år, seier professor i helseetikk og helserådgjevar for den nederlandske regjeringa, Theo Boer.
Han var først skeptisk til lova som legaliserte dødshjelp i 2002.
Men så blei han forsiktig optimist då det viste seg at talet på dei som valde å avslutta livet sitt på denne måte, gjekk ned (sjå faktaboks).
