PANELSAMTALE: Ein gong i året arrangerer Areopagos og VID Reicheltdagen for å auke kunnskap og dialog om dagens misjon. Dette året har førsteamanuensis Lovisa Mienna Sjöberg ved VID Tromsø, hatt foredrag om misjonslegen Edvard Masoni.
Helene Reite Uglem
Debatt om moderne misjonering: – Samar treng ikkje misjon lenger
Er misjon eit kolonialistisk prosjekt? Det var spørsmålet under årets Reichelt-dag ved VID Stavanger.
– Vi lever ikkje i ei post-kolonialistisk tid. Vi er i det no, seier samiske Lovisa Mienna Sjöberg som nyleg har hatt foredrag under Reicheltdagen som VID og Areopagos arrangerer årleg.
Ein dag for refleksjon rundt dagens misjon - i Karl Ludvig Reichelts ånd. Han var det nokon kallar «uregelrett verb» av ein misjonsprest i Kina tidleg på 1900-talet, som hadde buddhistiske figurar på alteret.
Religionsblanding, sa kritikarane. Sjølv meinte han at han bygde bruer.
