FORNØGD BISKOP: Ragnhild Jepsen er ny biskop i Bjørgvin. Når ho skal besøke sjømannskyrkjene gler ho seg til å servere vaflar.
Bjørn Olav Hammerstad
Bjørgvin-biskopen ser fram til å servere vaflar i sjømannskyrkjene
25.mars er den store vaffeldagen. – Vaflar representerer det norske og noko som folk kan lengte etter når dei er i utlandet, seier påtroppande biskop, Ragnhild Jepsen.
Vi nordmenn får aldri nok av vaflar og sjølv om mange føretrekkjer å lage dei sjølve, er det stadig fleire som vel å kjøpe ferdigsteikte vaflar eller ferdig røre. Vaflar er eit fast innslag på dugnader, kafear og kantiner, men også i religiøse kretsar gler dei seg over vaffeltrenden.
Vaffeljernet går på høggir landet rundt. Alle som har vore på dugnad, hatt barn i skulekorps eller idrettslag og unnt seg ein vaffel på ein bensinstasjon, veit kor viktig det er med vaflar. Men når fleire og fleire blir tiltrekte av den hjarteforma tradisjonsretten, blir det også big business.
Noregs største vaffelfabrikk
