FRIMOD: Leiaren i Frimodig kirke, Oddgeir Sølvfæstersen, meiner ein skal bera Kristi kross med frimod.
Foto: Hans Christian Bergsjø
- At kyrkja opnar for bøn til Allah, er svært problematisk
Den norske kyrkja arrangerer islamsk «iftar» fleire stader i landet. Oddgeir Sølvfæstersen i Frimodig kirke er kritisk til at kyrkja opnar for islamsk truspraksis.
Den 19. februar skreiv Dagen om at fleire kyrkjer i landet skal arrangera eller har arrangert «iftar», det vil seia kveldsmåltidet muslimar inntek like etter solnedgang under fastemånaden ramadan.
Leiaren i Frimodig kirke, Oddgeir Sølvfæstersen, reagerer på at Den norske kyrkja inviterer truselement frå islam inn i kyrkjerommet.
Det er særleg framføringa av det islamske bøneropet som får Sølvfæstersen til å protestera.
