TENESTA: Det er viktig at vi opplever oss sendt av Jesus der vi er. Då vert det lettare å stå i tenesta over tid og då vert det meiningsfylt at vi er akkurat der vi er, skriv Karl Arne Austnes. Illustrasjonsfoto: Scandinavian Stockphoto
Byline stor
Vinne, utruste og sende
Skal vi nå ut, treng vi som truande å bli utrusta. Her har det kristne fellesskapet ei unik rolle. Bedehuset skal vere «Borg og base». Borg fordi vi treng ein trygg kvileplass i kvardagen sitt stress, base fordi vi treng å bli utrusta til kvardagslivet.
Desse tre orda er kjerneorda i den nye visjonen vi vedtok i strategiplanen vår. «Vi vil vinne, utruste og sende menneske med evangeliet på Sunnmøre.»
Vi trur det er ein god visjon fordi den er i samsvar med det som ligg i oppdraget vårt og i samsvar med det som ligg på Guds hjarte. Oppdraget er «med Guds ord til folket». Og det første som må skje i eit slikt oppdrag er at folket må vinnast for Jesus. «Endå eg er fri og ikkje slave for nokon, har eg gjort meg til slave for alle for å vinna så mange som råd» seier Paulus i 1. Kor 9,19. Utfordrar dette deg? Det bør det gjere.
SE VIDEO: Når ut med digital andaktsdeling
