Vi treng ikkje fleire stråmenn

Dei siste vekene har Vårt Land publisert fleire kommentarar om såkalla kristennasjonalisme og sju fjell-tenking. Eivor A. Oftestad skriv om «endetidsnasjonalisme» og «herredømmetenkning», medan Tarjei Gilje åtvarar mot «kulturkrigarar» som vil «dominera fjella». 

Begge reiser viktige spørsmål om korleis tru og samfunn heng saman. Men når ein teologisk tradisjon blir framstilt som noko den ikkje er, endar vi ikkje med oppklaring – vi endar med stråmenn.

Stråmann: «Kristne som vil påverka samfunnet, vil ta makt»