Verda treng ikkje meir «kristen litteratur»

Nyslått nobelprisvinnar i litteratur, Jon Fosse, er audmjuk nok til heilt sikkert å kjenna det smått uverkeleg når han no har teke steget inn i ei historisk linje som strekkjer seg bakover via Sigrid Undset (1928) og Knut Hamsun (1920) til Bjørnstjerne Bjørnson i 1903.

Førebudd på pris

Han har visstnok blitt litt førebudd gjennom eit syn han fortalde om i sin rekordknappe takketale ved prisutdelinga. Sidan 2011 har han dessutan vore omgjeven av eit jamt historisk sus i Wergelands gamle gemakkar i Statens æresbustad for kunstnarar, «Grotten». Truleg finst også ein fare for å hamna på ein slags poetisk pidestall når ein tek imot verdas gjævaste utmerking innan litteratur.