| Leder
Valentinsbryllaup: Mykje velsigning – og ein ørliten dash Vegas
JA! Eitt av dei 13 para som vart gifte i Birkeland kyrkje på valentinsdagen i år. På landsbasis vart 277 par vigde same dag, og er del av ein gledeleg trend.
Foto: Odd Mehus
Under slagordet «Helt enkelt, like stort» synest Den norske kyrkja no å ha nådd gjennom med eit bodskap og eit tilbod som trengst i samfunnet vårt.
Heile 277 par gav kvarandre sine «ja» i Den norske kyrkja den 14. februar. Tal frå kyrkja viser at oppslutnaden om tilbodet meir enn firedobla seg sidan i fjor. Mest populært var tilbodet på det urbane Austlandet, og fylkesoversikta viser at Akershus leiar an med heile 65 par.
Det er likevel tydeleg at dette ikkje berre er ein byfenomen. Par i ulike aldrar og livsfasar møtte opp for å lova kvarandre truskap i dei 68 kyrkjene som opna dørene for gifteklare denne dagen.
