UTFORDRAR: Margunn Serigstad Dahle er lærar ved NLA Mediehøgskolen Gimlekollen og tilknytt Damaris Norge.
Valentine og verdiar
Kva med å la oss utfordre av Valentin ikkje berre når han uttrykker kjærleiken, men òg trua si, spør Margunn Serigstad Dahle.
«Valentindagen er vorte ein suksess. Kanskje meir i handelen enn i kyrkja si ånd, men like fullt ein suksess.»
Sitatet er henta frå Posten Norge, som spela ei nøkkelrolle i promoteringa av 14. februar som merkedag her til lands frå 1990-talet av.
Ja, dagen har me merka oss, med den varme oppfordringa om å feire kjærleiken og romantikken med gåver og kort nå midt i kalde februar. Likeeins har namn som Kjærleiksdagen og Alle hjarte sin dag etter kvart vorte kjende som alternativ til Valentindagen.
