Anmeldelser
FORFATTARANE: Malene Vilnes-Bakke og Frode Thuen er både faglege og personlege når dei no har gitt ut bok om venskap for vaksne.
Christine Eide
Vaksen-venskap med tilbakeblikk, tårer og tekoppar
Det blir litt for privat og litt for pratete når vi no endeleg får ei handbok i vennskap for voksne. Men at det er håpefullt og hjartevarmt? Absolutt.
Venskap er eit tema som alltid er aktuelt, men som ein også har kjensla av at det vert skrive litt for lite om. Blant Dagens lesarar er det truleg mange som kjenner til C.S. Lewis bok «Om kjærlighet», der vennskap er ein av dei fire typane kjærleik.
Briten sine refleksjonar om nettopp venskap er både rørande og råkande, sjølv om det er over seksti år sidan boka til Lewis kom ut. Elles er det ikkje ein masse litteratur av nyare dato om vennskap, sjølv om nettopp vennskap er nokre av dei viktigaste relasjonane for dei aller fleste av oss.
Mangel på nære venskapsrelasjonar er eit problem med potensielt store konsekvensar, både for menneske og samfunn. Dermed er ei handbok nettopp om vennskap, eit viktig og interessant prosjekt. At boka ikkje er importvare frå USA er dessutan eit viktig poeng.