Usakleg leiarartikkel mot den politiske venstresida

Utgåvesjef Karl Andreas Jahr i Korsets Seier 7/6 hevda at ein venstrevridd journaliststand, representerer ein fare, underforstått for balansert journalistikk – jf. svaret «Ja» i nettutgåva. Men med syltynn grunngjeving.

For han hadde ingen konkrete mediesaker å visa til; kun målingar om journalistar si partisympati-overvekt på venstresida, kjennskap til journalistar i demonstrasjonstog mot å forby tvillingabort, og sjølvransakande tonar internt i mediebransjen.

Men sjølv om deltaking i demonstrasjonar svekkjer inntrykket av journalistar som objektive aktørar, må journalistisk arbeid først og fremst bedømmast ut frå konkrete medieprodukt. Og i so måte hadde han ingen klare overtramp å visa til.