Kommentar
SÆLE TIDER: Optimismen i spaltene er på mange måtar eit spegelbilete av sinnet og sjela til mannen som heile prosjektet krinsar rundt, skriv Jarle Kallestad.
Odd Mehus
Unnskyld, Finn Jarle Sæle. Unnskyld igjen
Det ligg ikkje naturleg for meg å vere audmjuk, så det er med blanda kjensler eg tek på meg oppdraget med å skrive nok ein kommentar om eit avisprosjekt som eg i utgangspunktet ikkje hadde så mykje tru på.
Det er berre å hoppe i det, slik eg gjorde ved tiårsjubileet i 2009: Unnskyld, Finn Jarle Sæle. Eg tok feil.
For i desse dagar feirar redaktøren og Norge idag sitt 25-årsjubileum med betasuppe og kake og kan peike nase til forståsegpåarane som dømde den kristelege vekeavisa nord og ned før første nummer var gått i trykken.