| Kommentar
Ukledeleg sympativasking av NRKs Midtausten-dekking
Det tradisjonsrike Korrespondentbrevet får ei tvilsam rolle som journalistisk apologi.
STJERNE: Yama Wolasmal er NRK-journalist og ein medieyndling i Noreg. Nyleg opna han opp om kor mykje pes han får i rolla som Midtausten-korrespondent.
Marit Hommedal
«Hvordan kan jeg være jødehater og sionistjævel samtidig», spurte nyleg NRKs stjernekorrespondent retorisk – og oppgitt.
Den bejubla og prisomhengde journalisten Yama Wolasmal brukar eit nyleg korrespondentbrev til å gi oss lesarar innleving i kvardagen på ein uriaspost: NRKs Midtausten-korrespondent.
Rikskringkastarens fronttittel på saka synest vera utdrag frå eitt av dei krakilske kommentarfelta i kjølvatnet av journalistens arbeid: «Du er en skam». Eller kanskje det er eit innblikk i Wolasmals iltre innboks?
