Truverdige terroristar?

Etter dei ufattelege Hamas- angrepa mot sivile israelarar på israelsk jord den 7. oktober, har vi fått ei opptrapping som ikkje var uventa, sett i lys av omfanget på Hamas- terroren.

Få som kjenner forholda frå innsida, kan ha blitt overraska over Hamas kapasitet for hemningslaus brutalitet. Overraskinga ligg i omfanget og den planmessige koordineringa som ligg bak. Forteljingane frå den 7. oktober røper ein råskap som saknar sidestykke.

Når tap av sivile liv ikkje handlar om sivile som oppheld seg i nærleiken av ein eller annan militær front, men dei sivile blir gjenstand for målretta nedslakting, slik det var tilfelle på den svarte sabbaten, då er vi vitne til ein annan sjuk logikk enn den krigens alminnelege gru som no viser seg. Krig er uhyrleg, men likevel noko ein kan fatta.