Leder
NY BOK: Professor Gunnar Skirbekk er ute med boka «Religion i moderne samfunn».
Tore Hjalmar Sævik
Tradisjonen som formar oss
Filosofiprofessor Gunnar Skirbekk set fingeren på fleire føresetnader ved norsk åndshistorie som lett vert undervurderte. Den protestantiske arven er meir av ein rikdom enn mange forstår.
– Eg har sett kor konstruktiv og viktig norsk protestantisme har vore, seier den pensjonerte professoren i eit intervju med Dagen.
Han viser ikkje minst til den sterke tilliten som pregar det norske samfunnet.
Skirbekk er ein av dei fremste norske akademiske filosofane som lever i dag. Gjennom eit langt liv som intellektuell har han engasjert seg i eit breitt spekter av tema og hatt omfattande kontakt med miljø i ei lang rekke land. Slik sett er det interessant at han som engasjert 84-åring gir ut boka «Religion i moderne samfunn».
