Tenk om vi kunne få ei ny Jesusvekking

Eg er ikkje gammal nok til sjølv å ha opplevd Jesusvekkinga. Men eg har lese bøker, og no har eg omsider også vore på kino og sett filmen Jesus Revolution, som handlar om denne vekkinga.

Det var både tankevekkande og rørande å sjå takksemda hos menneske som hadde møtt Jesus. Dette er det ikkje så ofte vi får skildra truverdig på film.

Og det var sterkt å høyre hovudkarakteren, hippien og evangelisten Lonnie Frisbee, forklare den meir etablerte pastoren Chuck Smith kven dei var, dei folka som no hadde kome til kyrkjelyden han leia. Fleire av dei hadde vore i kontakt med narkotika, og dei var prega av tida dei levde i.