Svarer Brynjar Meling: Mulla Krekar og kristenforkynninga

For litt sidan skreiv eg to artiklar knytt til Utdanningsdirektoratet sine tilsynsrapportar for fem kristne friskular, og at bibelbaserte friskular vart umoglege om rapporten vert ståande, og at den tenkinga som ligg til grunn, også vil gjera bibelforplikta forkynning umogleg.

Til mi store overrasking har advokat Brynjar Meling kommentert dette, og eg opplever kommentaren positiv og anerkjennande til det eg hevdar, ved at han skriv: «Innlegget bygger på en dyp og legitim uro: Hva skjer når staten begynner å trekke grenser for hva som kan ytres i kraft av tro?» 

Det er nokså presis problemstillinga i innlegga mine, så eg takkar for kommentaren.